10th result महाराष्ट्र राज्य माध्यमिक आणि उच्च माध्यमिक शिक्षण मंडळाने (एमएसबीएसएचएसई) आज दुपारी एक वाजता बहुप्रतीक्षित इयत्ता दहावीचा निकाल जाहीर केला आहे. शिक्षण मंडळाचे अध्यक्ष श्री. शरद गोसावी यांनी आज पत्रकार परिषदेत या निकालाची घोषणा केली. यावर्षी राज्यभरातून 94.10 टक्के विद्यार्थी उत्तीर्ण झाले आहेत.
विभागनिहाय निकाल
यंदाच्या परीक्षेत कोकण विभागाने पुन्हा एकदा आपला दबदबा कायम राखला आहे. कोकण विभागाचा निकाल 98.10 टक्के लागला असून, हा राज्यातील सर्वाधिक निकाल आहे. त्याउलट, नागपूर विभागाचा निकाल राज्यात सर्वात कमी लागला आहे.
विभागनिहाय निकालाचे प्रमाण खालीलप्रमाणे आहे:
- कोकण विभाग – 98.10% (सर्वाधिक)
- नागपूर विभाग – सर्वात कमी
मुलींची कामगिरी उल्लेखनीय
मागील वर्षांप्रमाणेच यंदाही मुलींनी मुलांपेक्षा चांगली कामगिरी केली आहे. मुलींचा उत्तीर्ण होण्याचा दर मुलांपेक्षा जास्त असल्याचे आकडेवारीवरून स्पष्ट होते.
फेब्रुवारी-मार्च 2025 मध्ये झाली परीक्षा
महाराष्ट्र राज्य माध्यमिक व उच्च माध्यमिक शिक्षण मंडळाने इयत्ता दहावीची परीक्षा फेब्रुवारी 21 ते मार्च 17, 2025 या कालावधीत पेन-पेपर पद्धतीने घेतली होती. परीक्षेच्या शेवटी लागलेल्या निकालाबद्दल विद्यार्थी आणि पालकांमध्ये उत्सुकता होती.
निकाल पाहण्यासाठी वेबसाईट्स
विद्यार्थ्यांना आपला निकाल पाहण्यासाठी खालील अधिकृत वेबसाईट्सचा वापर करता येईल:
- mahresult.nic.in
- sscresult.mkcl.org
- results.targetpublications.org
निकाल पाहण्याची पद्धत
- वरील वेबसाईट्सपैकी कोणत्याही एका वेबसाईटवर जा
- SSC Result 2025 या लिंकवर क्लिक करा
- तुमचा रोल नंबर आणि आईचे पहिले नाव प्रविष्ट करा
- Submit बटणावर क्लिक करा
- तुमचा निकाल स्क्रीनवर दिसेल
- भविष्यातील संदर्भासाठी निकालाची प्रिंट किंवा स्क्रीनशॉट काढा
तुम्हाला किती टक्के गुण प्राप्त झाले आहे ते आमच्या कंमेंट बॉक्स मध्ये सांगा
DigiLocker वरही उपलब्ध निकाल
विद्यार्थी DigiLocker या अॅपवरून देखील आपला निकाल डाउनलोड करू शकतात. DigiLocker वरून मार्कशीट मिळवण्यासाठी विद्यार्थ्यांना DigiLocker अॅप वर लॉगिन करून, त्यांचा आधार क्रमांक लिंक करावा लागेल. त्यानंतर ‘महाराष्ट्र स्टेट बोर्ड ऑफ सेकंडरी अँड हायर सेकंडरी एज्युकेशन’ या पर्यायातून मार्कशीट निवडून, आवश्यक माहिती भरून निकाल पाहता येईल.
पुनर्मूल्यांकन आणि गुणपडताळणी
ज्या विद्यार्थ्यांना त्यांच्या मिळालेल्या गुणांबद्दल शंका असेल, अशा विद्यार्थ्यांना गुणपडताळणी किंवा पुनर्मूल्यांकनासाठी अर्ज करता येईल. या प्रक्रियेबद्दलची सविस्तर माहिती लवकरच मंडळाच्या अधिकृत वेबसाईटवर उपलब्ध करून देण्यात येईल.
यापूर्वीच्या वर्षांचा निकाल
2024 मध्ये घेतलेल्या एसएससी परीक्षेत एकूण 95.81% विद्यार्थी उत्तीर्ण झाले होते. त्यामध्ये मुलींचा उत्तीर्ण होण्याचा दर 97.21% तर मुलांचा 94.56% होता. यावर्षी (2025) निकालाचे प्रमाण 94.10% आहे.
आगामी प्रवेश प्रक्रिया
इयत्ता दहावीचा निकाल लागल्यानंतर विद्यार्थ्यांना अकरावीच्या प्रवेशासाठी अर्ज करता येईल. प्रवेश प्रक्रियेबाबत माहिती लवकरच शाळा आणि शिक्षण विभागाकडून देण्यात येईल.
वाचकांनी लक्षात घ्यावे की ही माहिती ऑनलाईन स्त्रोतांवरून घेण्यात आली आहे. कृपया आपला निकाल पाहताना अधिकृत वेबसाईट्सचाच वापर करावा आणि पुढील निर्णय घेण्यापूर्वी संपूर्ण माहिती तपासून पहावी. निकालाबाबत कोणतीही शंका असल्यास शाळा किंवा शिक्षण मंडळाशी संपर्क साधावा.
